La "visita" Bossi
 
Qui di seguito, nella trascrizione di Don Vittorio Burattini, č la descrizione del visitatore apostolico Francesco Bossi del monastero dell'Annunziata nell'anno precedente alla sua distruzione.

Archivio Segreto Vaticano. Congr. Concilii, Visita Ap. Vol. 119, ff.34v-35v

«Die XVI Februarii 1576

Idem Illustris et R.mus Domnus Episcopus, et Visitator apostolicus accessit ad ecclesiam Sanctae Clarae Mulierum regularium, quae profitentur Regulam continentium Sancti Francisci; quae ecclesia posita est in Regione Sancti Petri, et est unica tantum nauis, et in ea reperitur altare maius sub cappella testudinata amplum, et ornatum in forma, et cum Icona decenti, et cum duobus gradibus ex superpositis lateribus confectis.

A lateribus altaris adsunt duo simulacra, Angeli uidelicet, et Beate Virginis Annunciatae, sericis indutae uestibus.

Ardet lampas ante altare omnibus diebus festis.

f. 35

Ecclesia est dealbata, et pauimentata et tectum est laqueatum, fenestrae sunt duae uitreae, et alia ualuis ligneis occlusa.

Vnica porta in uiam respiciens claue obsignatur.

Et in pede ecclesiae, et in loco, qui ducit ad claustra Monasterii adest, a sinistris Oratorium, cum altari breui tantummodo ad orandum confectum, in quo etiam in festo die Sanctae Clarae fit sacrum, et adest crates ferrea ad formam ex qua excipiuntur Confessores Monialium.

Supra dictum Oratorium reperitur Chorus, in quo Moniales psallunt horas canonicas.

Perlustrauit totum Monasterium quod est exiguum, et adiacet muris Ciuitatis et aggeri, seu Beluardo, quod in presentia construitur, et propediem diruendum erit Monasterium cum maxime in eius Horto erecta sit longa antemna, seu pertica, que demonstrat aggerem eo usque extendendum esse, et uidit dormitorium, in quo singulae Moniales in singulis cubilibus dormiunt.

Expostularunt Moniales quod supra tectum ecclesiae, et Monasterii totius frequenter saliunt fabri murarii, et tectum, et tegulas rumpunt, ita ut undique aqua in ecclesiam, et Monasterium deriuat».